பூநகரி விபத்தில் காவல் துறை உறுப்பினர் ஒருவர் பலி

பூநகரி விபத்தில் காவல் துறை உறுப்பினர் ஒருவர் பலி

பூநகரி காவல் துறை பிரிவுக்குட்பட்ட பகுதியில் இடம்பெற்ற மோட்டார் சைக்கிள் விபத்தில், காவல் துறை உத்தியோகஸ்தர் ஒருவர் உயிரிழந்ததோடு, மற்றுமொரு காவல் துறை உத்தியோகஸ்தர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார். 

திருகோணமலை காந்திபுரத்தை சேர்ந்த பொலிஸ் கொஸ்தாபலான கணேசரட்ணம் ஹரிகரன் (வயது 24) என்பவரே உயிரிழந்துள்ளார். அவருடன் பயணித்த மற்றுமொரு காவல் துறை உத்தியோகஸ்தர் படுகாயமடைந்துள்ளார். 

மன்னாரில் பணி புரியும் இரு பொலிஸ் உத்தியோகஸ்தர்களும் பணி நிமித்தம் யாழ்ப்பாணத்துக்கு சென்றுவிட்டு மன்னார் நோக்கி திரும்பிக்கொண்டிருந்தவேளை பூநகரி – சங்குப்பிட்டி பாலம் கடந்து சற்று தொலைவில் , இராணுவ சோதனை சாவடிக்கு அருகில் அவர்கள் பயணித்த மோட்டார் சைக்கிள் வேக கட்டுப்பாட்டை இழந்தது வீதியோர கட்டுடன் மோதி விபத்துக்கு உள்ளானது. 

அதில் இருவரும் கடலுக்குள் தூக்கி வீசப்பட்ட நிலையில் ஒருவர் சம்பவ இடத்திலையே உயிரிழந்துள்ளார். மற்றையவரை வீதியில் சென்றவர்கள் மீட்டு வைத்திய சாலையில் அனுமதித்துள்ளனர். 

சம்பவம் தொடர்பில் பூநகரி காவல் துறை  விசாரணைகளை ஆரம்பித்துள்ளனர்.

செய்திகள்